Shtatori me diell, ku të shkoni për pushime

Shtatori premton diell, por fatmirësisht temperatura jo shumë të larta, si dhe disponueshmëri të hoteleve apo shtëpive me qira

Transilvani, Rumani

Transfagarasan është përshkruar si “rruga më e bukur në botë”. Kjo rrugë e gjatë 90 km me kthesash dhe kalime në lartësi, u ndërtua gjatë katër vjetëve, me urdhër të ish-sundimtarit diktatorial Nicolae Çaushesku, si një rrugë ushtarake malore midis rajoneve rumune të Transilvanisë dhe Vllahisë, shkruan Monitor, transmeton albinfo.ch.

Përgjatë rrugës shihen ujëvara dhe liqeni Balea, duke vazhduar në rrënojat në majë të shkëmbit të Kalasë Poenari, e Vlad Țepeș (i cili ka qenë frymëzimi për personazhin Drakula, e Stokerit) dhe duke zbritur për të vizituar varret mbretërore në Manastirin Curtea de Argeş të shekullit të 16-të.

Istria, Kroaci

Plot me shparguj, ullinj dhe midhje, nuk ka shumë destinacione më të shijshme se Istria, gadishulli trekëndor, që shtrihet në Adriatik deri në Kroacinë veriperëndimore të largët. Dhe koha më e mirë për ta vizituar është shtatori, kur korret rrushi dhe piqet tartufi në pyll.

Mund të vizitoni portin e mrekullueshëm venecian të Rovinj dhe të admironi amfiteatrin romak mbresëlënës të Pulës.

Por, për ushqimet vërtet të shijshme, eksploroni vendet e tartufit majë kodrash të Motovunit mesjetar, Buzet dhe Hum në veri, dhe rajonet e verës rreth Bujës dhe Momjanit në veriperëndim, shkruan Monitor, transmeton albinfo.ch.

La Palma, Spanjë

La Palma është me sa duket ishulli më i pjerrët në botë. Arkipelagu vullkanik – me rreth 1000 km rrugë për këmbësorë, ka një sërë opsionesh të ndryshme.

Shtatori premton diell, por fatmirësisht temperatura jo shumë të larta, si dhe disponueshmëri të hoteleve apo shtëpive me qira.

Në jug, shtigjet kalojnë në rrjedhat e llavës së zezë drejt farit në Fuencaliente. Rrugët e kryeqytetit Santa Cruz de La Palma janë gjithashtu të përshtatshme për shëtitje, të mbushura me kisha tërheqëse të Rilindjes, farmaci të cilësisë së mirë dhe ndërtesa të shekullit të 18-të.

Bolonja, Itali

Pseudonimi i Bolonjës, La Grassa (“e shëndosha”), të jep një ide se çfarë të presësh; shtëpia e ragù-së (bolognese), në qytet jeta duket se sillet rreth ushqimit.

Në shtator – kur moti është ende mjaft i ngrohtë për të ngrënë në natyrë – nënkupton fillimin e prodhimeve të vjeshtës: kërpudha, kunguj dhe gështenja.

Këto shije bashkohen me përbërës të tjerë të shijshëm, që zbukurojnë menytë e restoranteve të lavdëruara të qytetit dhe restoranteve të vogla familjare (trattoria), si dhe te tezgat e tregut dhe ushqimet e Quadrilatero (distrikti historik i ushqimit i Bolonjës).

Një tjetër pseudonim i Bolonjës është La Dotta (“e ditura”), një shenjë për atë, që supozohet se është universiteti më i vjetër në Evropë. Falë numrit të madh të studentëve, qyteti është gjithashtu i mbushur me bare plot gjallëri.

---