Kthehen për trajtim në shtëpi 15 ushtarë të KFOR-it që u lënduan në Zveçan

Sot janë kthyer në shtëpi për trajtim mjekësor 15 ushtarë italianë të KFOR-it. Kështu ka njoftuar Misioni i NATO-s në Kosovë, KFOR.

Sipas njoftimit të KFOR-it, 11 prej këtyre ushtarëve të lënduar kishin pësuar lëndime gjatë përleshjeve më 29 maj në Zveçan, ndërsa tetë të tjerë u referuan nga kampi Villagio Italia në Pejë për trajtime mjekësore, përcjell Albinfo.ch.

Në po të njëjtën ditë, NATO bëri të ditur se kanë filluar të arrijnë në Kosovë trupat përforcues, të përbërë nga 500 ushtarë të ardhur nga Turqia.

NATO tha se këta trupa përforcues do të qëndrojnë në Kosovë për “aq sa të ketë nevojë” dhe se edhe një batalion tjetër është vënë në gatishmëri të lartë për dislokim në Kosovë në rast nevoje./Albinfo.ch