Këshilli Federal ul në 20 gradë ngrohjen në dhomën e vet të mbledhjeve

Rreth gjashtë deri në dhjetë për qind e konsumit të energjisë për gjenerimin e nxehtësisë në ndërtesat federale duhet të kursehet në këtë mënyrë

Këshilli Federal (Qeveria e Zvicrës) ka vendosur të kufizojë temperaturat në ndërtesat federale në 20 gradë në periudhën e ardhshme të ngrohjes.
Qeveria Federale dëshiron të reduktojë konsumin e gazit për ndërtesat e saj civile me një të tretën gjatë kësaj periudhe, transmeton albinfo.ch.

Me këto masa, qeveria dëshiron të parandalojë një mungesë të mundshme të energjisë. Në këtë mënyrë, ajo do të japë një “kontribut të rëndësishëm në përpjekjet e Zvicrës për kursimin e energjisë”, shkruan Qeveria Federale në një deklaratë.

Sipas vendimit, rreth gjashtë deri në dhjetë për qind e konsumit të energjisë për gjenerimin e nxehtësisë në ndërtesat federale duhet të kursehet në këtë mënyrë, raporton srf.ch.

Përveç kësaj, Këshilli Federal ka ngarkuar Kancelarinë Federale dhe departamentet për të zbatuar masa operacionale shtesë për kursimin e energjisë, transmeton albinfo.ch. Kështu, aty ku është e mundur, uji i nxehtë duhet të fiket dhe kohëzgjatja e reduktimit të ngrohjes duhet të zgjatet gjatë natës dhe gjatë fundjavës.

Në mënyrë të ngjashme, duhet të fiken ndriçimi dhe pajisjet që nuk kanë lidhje me sigurinë që nuk duhet domosdoshmërisht të jenë në funksion.

---