Lajme
Ministri Latifi, në Kongresin Botëror të Kirurgëve, punimi i tij, ndër tre më të mirët
Ministri i Shëndetësisë Rifat Latifi po merr pjesë në Kongresin Botëror të Kirurgëve, që po mbahet në Vjenë të Austrisë. Gjatë sesionit “menaxhimi i katastrofave”, ministri Latifi prezantoi një punim i cili ishte përzgjedhur në mesin e tre punimeve më të mira të publikuara në pesë vjetët e fundit.
Ministri i Shëndetësisë, Rifat Latifi, po merr pjesë në Kongresin Botëror të Kirurgëve, që po mbahet në Vjenë të Austrisë. Gjatë sesionit “menaxhimi i katastrofave”, ministri Latifi prezantoi një punim, i cili ishte përzgjedhur në mesin e tre punimeve më të mira të publikuara në pesë vjetët e fundit.
Ministri Latifi ka prezantuar konceptin e ndërtimit të Qendrave të Traumës dhe të Manaxhimit të Katastrofave, me përfshirje të Telemjekësisë, raporton Albinfo.ch.
Ai ka theksuar nevojën e bashkëpunimit të vendeve të zhvilluara, me vendet që kanë nevojë për të zhvilluar fushën e studimeve shkencore, duke veçuar Republikën e Kosovës, si një vend që duhet të përkrahet në këtë aspekt.
Duke thënë se Kosova është në vendin e gjashtë nga fundi i renditjes në mesin e vendeve të botës për punime shkencore të botuara në revista mjekësore, Latifi përmendi nevojën urgjente për bashkëpunim me vendet e zhvilluara, me qëllim që të nxitet e të zhvillohet më shumë kjo lëmi në Kosovë.
“Nga viti 1998 deri në vitin 2019, 46 për qind të punimeve të publikuara nga Kosova ose nuk e kanë autorin e parë të punimit nga Kosova, ose nuk kanë fare autor nga Kosova”, theksoi ministri Latifi.
Ai ka prezantuar para audiencës një metodologji dhe teknikë të re për përkujdesje të pacientëve, që i nënshtrohet të ashtuquajturës “Kirurgji për Kontrollin e Dëmit”, me rezultate shumë të mira, përmes së cilës bëhet dializa e drejtpërdrejtë peritoneale.
Ndërkohë në margjinat e këtij Kongresi, ministri Latifi ka takuar Presidentin lokal të Kongresit, prof. dr. Albert Tuchmann, me të cilin ka biseduar për bashkëpunimin dhe mbështetjen për sistemin shëndetësor të Kosovës në fushën e hulumtimeve shkencore./Albinfo.ch
E-Diaspora
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri