Inflacioni në Zvicër qëndron në nivelin 3.4 për qind

(AP Photo/Michael Probst)

Inflacioni në Zvicër nuk është rritur më tej – të paktën për momentin, por ai mbetet në një nivel të lartë për vendin.

Me 3.4 për qind, çmimet e konsumit në korrik ishin në të njëjtin nivel si në qershor, siç njoftoi Enti Federal i Statistikave.

Rritja e çmimeve është nxitur kryesisht nga mallrat më të shtrenjta të importuara (të cilat janë rritur me 8.4 për qind krahasuar me të njëjtën periudhë të vitit të kaluar), shkruajnë mediat zvicerane, përcjell albinfo.ch.

Produktet e naftës, për shembull, kushtojnë 43 për qind më shumë se në korrik 2021, kryesisht për shkak të luftës në Ukrainë.