Mijëra veta në “Zürich Pride” kërkojnë të drejta për njerëzit “trans”

"Është koha që lezbiket, homoseksualët, biseksualët dhe interseksualët të mbështesin gjithashtu edhe personat trans. Çdo person trans kalon një proces tranzicioni individual"

Nën moton “Trans – të jetojmë diversitetin”, është zhvilluar sot pasdite në qendrën e Cyrihut parada e madhe demonstruese politike e Krenarisë (Pride Parade) me mijëra pjesëmarrës. Organizatorët kanë përmendur numrin rekord prej 40,000 pjesëmarrësish, raporton srf.ch.

“Njerëzit trans duhet të jenë në gjendje të jetojnë pa kufizime dhe përjashtime”, ishte kërkesa e tyre.

Parada ka filluar në orën 14:00 në Helvetiaplatz, ku mijëra njerëz ishin mbledhur herët nëpër një mot të bukur veror, transmeton albinfo.ch. Një shumëllojshmëri e gjerë grupesh merrnin pjesë në marshim: Formacioni zyrtar fillestar përfshinte pothuajse 90 organizata dhe klube si klubet e tifozëve të utbollit queer, si dhe partitë dhe kompanitë.

Pasi “Zürich Pride” i vitit të kaluar i ishte kushtuar votimit për iniciativën “Martesë për të gjithë”, ajo këtë vit, për herë të parë në historinë e saj 27-vjeçare, u fokusua në situatën ligjore dhe sfidat e personave trans.

Organizatorët deklaruan se është koha që lezbiket, homoseksualët, biseksualët dhe interseksualët të mbështesin gjithashtu edhe personat trans. Çdo person trans kalon një proces tranzicioni individual.

---