Nikoliqin në Gazimestan e presin me sharje

Një grup të rinjsh filluan ta quanin “Tradhtar, ti e ke shitur Kosovën” ndërsa presidenti serb dikur humbi durimin dhe u tha “budallenj” atyre që brohoritnin

Festa e Vidovdanit në Gazimestan u shndërrua në një tubim fyerjesh dhe sharjesh që një grup serbësh i drejtuan presidentit të tyre Tomislav Nikoliq .

Një grup të rinjsh filluan ta quanin “Tradhtar, ti e ke shitur Kosovën” ndërsa presidenti serb dikur humbi durimin dhe u tha “budallenj” atyre që brohoritnin.

“Këtë që po e dëgjojmë është shumë e mirë për mediet e huaja por edhe për disa gazetarë tanë të cilët vetëm këtë do ta filmojnë. Ju jeni budallenj. Këtë po e tregoni në Kosovë e Metohi ku ende po grindemi. Kështu do ta shpëtoni Kosovën ju? Do të bërtisni dhe në fund do të shkoni në shtëpi. E kam mbajtur këtë peshë edhe më herët do ta mbaj prapë që të jem edhe presidenti i juaj. Pyes veten nëse presidentit të mëhershëm do t’i kishit thënë tradhtar a thua çfarë do të kishte ndodhur me ju. Të dashur vëllezër e motra tashmë kjo ka kaluar çdo kufi. Prapë po ju lutem, keni besim në Serbinë.”, ka thënë Tomislav Nikoliq, shkruan zëri.info.

Mirëpo të rinjtë nuk kanë dashur të dëgjojnë dhe kanë filluar të thërrasin emrin e “Vojslav Sheshelit”.