Maqedoni, nataliteti në rritje te shqiptarët

Në vitin 2008 popullata shqiptare ka marrë pjesë me 31.8 për qind, në numrin e përgjithshëm të lindjeve ndërsa në vitin e kaluar kjo përqindje ka qenë 35.1 për qind

Nataliteti te shqiptarët në Maqedoni është në rritje të vazhdueshme dhe vetëm në pesë vitet e fundit lindjet janë shtuar për 3.3 për qind. Këto përmasa demografike kanë shqetësuar komunitetin maqedonas, i cili në vitet e fundit ka një rënie të theksuar të lindjeve. Qeveria në Shkup megjithatë e ka gati një plan për shtimin e popullsisë.

Në vitin 2008 popullata shqiptare ka marrë pjesë me 31.8 për qind, në numrin e përgjithshëm të lindjeve ndërsa në vitin e kaluar kjo përqindje ka qenë 35.1 për qind.

Enti i Statistikave të Maqedonisë në raportin e publikuar për këtë vit, thotë se komunat me më së shumti natalitet janë: Tetova, Çairi, Kumanova, Saraji, Studeniçani, Struga, Shuto Orizarja, Bogovina. Ndërkaq, komunat me natalitet të ulët janë: Manastiri, Karposhi, Prilepi, Velesi, Koçani, Ohri, Kisella Voda, Kërçova, Demir Hisari et.

Burime brenda Qeverisë së Maqedonisë pohojnë për “Lajm” se alarmimi i situatës për natalitetin bëhet tani, kur edhe pritet që Qeveria të publikojë Strategjinë për shtimin e popullsisë, të cilin vitin e kaluar e përgatiti Universiteti “Shën Kirili dhe Metodi” me kërkesë të Qeverisë

Sipas të njëjtave statistika, lindjet nga etnia maqedonase kanë rënë nën 50 për qind, për rreth 60-të vjet.

Sipas Entit Shtetëror për Statistika, më 2013-të kanë lindur 11.602 maqedonas, 7.488 shqiptarë, 1.088 turq dhe 1.226 romë. Nga këto lindje shihet se vetëm për 5 vjetët e fundit ka një rënie rreth 5 për qind e lindjeve tek maqedonasit.

Burime shqiptare brenda Qeverisë pohojnë për “Lajm” se alarmimi i situatës për natalitetin bëhet tani, kur edhe pritet që Qeveria të publikojë Strategjinë për shtimin e popullsisë, të cilin vitin e kaluar e përgatiti Universiteti “Shën Kirili dhe Metodi” me kërkesë të Qeverisë.