Aksident në qendër të Athinës, vdes i riu shqiptar me të dashurën

Sokol Shkurti është i riu shqiptar që humbi jetën në një aksident të rëndë në qendër të Athinës, në Greqi.

Shqiptari 26-vjeçar ka ndërruar jetë së bashku me të dashurën e tij nga Polonia, 23-vjeçaren Veronika Kiueek teksa të dy ktheheshin për në shtëpi, në këmbë.

Ata u përplasën nga një makinë, “Jeap i zi”, shoferi i të cilit nuk ndaloi në vendngjarje për t’i dhënë ndihmën e parë të rinjve. Policia greke është vënë në ndjekje të makinës që i përplasi në rrugën “Agiu Meletiu” në orët e para të mëngjesit të së dielës, shkruajnë mediat shqiptare.

“Star Channel” në një kronikë të zgjeruar për këtë aksident, ka marrë në intervistë edhe babanë e Veronikës, Slawimir Kiupek, i cili kërkon drejtësi, të gjendet shoferi që nuk mori mundimin të jepte ndihmën e parë, përcjell albinfo.ch.

“Dua të gjej njeriun që vrau vajzën time dhe të dashurin e saj”, shprehet babai i 23-vjeçares Slawimir Kiueek.