Sot shpallet aktgjykimi ndaj katër ish-krerëve të UÇK-së në Hagë

Seanca për shpalljen e aktgjykimit ndaj Hashim Thaçit, Kadri Veselit, Rexhep Selimit dhe Jakup Krasniqit nis në orën 10:00 dhe pritet të zgjasë dy orë

Sot, më 16 shtator 2026, në Dhomat e Specializuara të Kosovës në Hagë shpallet aktgjykimi në çështjen gjyqësore ndaj ish-krerëve të Ushtrisë Çlirimtare të Kosovës, Hashim Thaçi, Kadri Veseli, Rexhep Selimi dhe Jakup Krasniqi, përcjell albinfo.ch.

Shpallja e aktgjykimit zhvillohet në një seancë të posaçme, pas përfundimit të procesit gjyqësor dhe deklaratave përmbyllëse të palëve.

Sipas njoftimit të fundit të Dhomave të Specializuara të Kosovës, seanca nis në orën 10:00 dhe është planifikuar të përfundojë në orën 12:00.

Në njoftim është përfshirë edhe kërkesa për regjistrim paraprak të gazetarëve që dëshirojnë ta ndjekin seancën nga galeria e publikut ose nga qendra e mediave.

Aktgjykimi që shpallet sot është vendimi i shkallës së parë në këtë çështje gjyqësore./Albinfo.ch

---