Kosova në Kampionatin Botëror të Mini Golfit

Sot dhe nesër në Kladno të Republikës së Çekisë mbahet Kampionati Botëror i Mini golfit “World Adventure Golf Masters 2018” në të cilin po marrin pjesë 15 shtete të ndryshme duke përfshirë edhe Kosovën me dy lojtarët seniorë Agim Keka dhe Riza Thaçi, të cilët edhe vitin e kaluar kanë marr pjesë në gara që janë zhvilluar të njëjtin vend.

Të dy seniorët janë pjesë e renditjes botërore, ndërkaq rezultati pozitiv do t’ju shërben për pozitë më të avancuar në rang listën e përgjithshme botërore, shkruan albinfo.ch.

Ky është aktiviteti i parë i Federatës së Mini golfit të Kosovës për vitin 2018, ndërsa Federata e Mini golfit e Kosovës do të marrë pjesë edhe në dy gara ndërkombëtare brenda këtij viti.