E majta, referendum kundër ashpërsimit të azilit

Ashpërsimin e Ligjit për Azilin e kanë kritikuar të gjithë, por të majtët nuk duken unikë sa i takon inicimit të referendumit

Një numër organizatash politike të spektrit të majtë, në një mbledhje të mbajtur mbrëmë në Bernë kanë vendosur që të iniciojnë referendum kundër ligjit të ri, të revizionuar të azilit.

Në fund të shtatorit Parlamenti i Zvicrës në asamblenë e të dy dhomave ka deklaruar të miratuar revizionin e disa pjesëve të ligjit mbi azilin, pjesë që konsiderohen më urgjente për tu ndryshuar. Në mesin e tyre ishte edhe vendimi për lejimin e qendrave të mbyllura për azilkërkues problematikë dhe për disa pika tjera.

Megjithatë, mendohet se referendumi do të përçajë të majtët. Ndonëse ashpërsimin e Ligjit për Azilin e kanë kritikuar të gjithë, të majtët nuk duken unikë sa i takon inicimit të referendumit kundër këtij ligji. Ata që kundërshtojnë referendumin mendojnë se me të, vetëm, sa do t`ia ofrojnë një platformë të re politikës së SVP-UDC-së.