Mësuesit kërkojnë shkëputje 6 mujore nga puna

Mësuesit kërkojnë që për çdo dhjetë vjet punë të kenë një pauzë të gjatë, të paguar, një shkëputje gjashtëmujore, të paguar. Këtë kërkesë në emrin e tyre e ka artikuluar federata e mëseueseve dhe mësuesve zviceranë, dhe sipas kërkesës, shpenzimet në një rast të tillë do t`i merrte punëdhënësi.

Siç shkruan gazeta NZZ am Sonntag, federata kërkon që kjo çështje të rregullohet në menyrë unike për gjithë Zvicrën.

Ndërkaq, në disa kantone praktikohet edhe sot një praktikë e ngjashme, që u mundëson mësuesve të marrin shkëputje të tilla nga puna që quhen “Sabbaticals” dhe që shërbejnë për kualifikim dhe zhvillim të mëtejmë personal dhe profesional të tyre.