Marrëveshje me Kolumbinë për ndjekjen e krimit

Marrëveshja ua mundëson autoriteteve të të dy vendeve bashkëpunimin në zbulimin dhe ndjekjen e kryesve të veprave penale

Qeveria federale e Zvicrës ka vendosur që të nënshkruajë një marrëveshje bilaterale për ndihmë juridike me Kolumbinë. Kjo marrëveshje krijon bazën juridike të mbështetur në të drejtën ndërkombëtare që ua mundëson autoriteteve të të dy vendeve bashkëpunimin në zbulimin dhe ndjekjen e kryesve të veprave penale.

Marrëveshja, siç bën të ditur Ministria e drejtësisë, po ashtu e bën më të thjeshtë dhe më të shpejtë procedurën e ofrimit të ndihmës juridike në mes të dy shteteve. Marrëveshje të tilla Zvicra ka nënshkruar tashmë edhe me disa vende tjera të Amerikës latine si me Perunë, Ekuadorin, Meksikën dhe Brazilin. Ndërkaq, nuk kanë hyrë ende në fuqui marrëveshjet e realizuara me Kilin dhe Argjentinën.