Të hiqen taksat për diasporën dhe Luginën

Deputetët kanë kërkuar nga Qeveria që të shqyrtojë heqjen e sigurimeve për diasporën dhe Luginën

Ligjvënësit kosovarë kanë ngritur si shqetësim çështjen e taksave doganore që po pagujnë qytetarët e Luginës së Preshevës dhe ata të diaspores për ardhje në Kosovë, dhe kërkuan nga Qeveria që t’i rishikojë të gjtha mundësitë, që këto taksa të të hiqen më parë.

Përveç çështjes së diaspores e cila ka qenë shumë herë temë debati në Kuvend, në seancën e fundit plenare është përmendur me theks të veçantë, çështja e qytetarëve të Luginës së Preshevës të cilët për të hyrë në Kosovë, duhet të paguajnë sigurimin e automjeteve në vlerë 20 euro për 7 ditë.

Edhe diaspora nuk qëndron më mirë. Për hyrje në vendlindje mërgimtarët janë të obliguar të paguajnë 30 euro për 15 ditë sigurim, ndërsa shumë shpejt do të detyrohen të pagujnë edhe taksën ekologjike prej 10 eurosh.

Deputeti i PDK-së, Zenun Pajaziti kërkoi që të hiqet krejtësisht taksa e sigurimit për qytetarët e Luginës së Preshevës, derisa kërkoi që t’i bëhet një kërkesë Bankës Qendrore që Kosova të jetë pjesë e Kartonit të Gjelbër në mënyrë që nga tkasat të lirohen edhe diaspora edhe Lugina.

Edhe deputeti i opozitës (AAK), Ramiz Kelmendi kërkoi nga Qeveria që ta hiqet kjo masë, kurse si alternativë ai e përmendi edhe mundësinë e pagesës njëditrore të taksës kufitare.

“Siguracioni mund të kthejmë edhe në pagesë një ditore në mënyrë që vizituesit e Luginës të shfrytëzojnë territorin e Kosovës së paku për tranzit, sidomos gjatë pushimve vjetore që ata mnd të shkojnë në Republikën e Shqipërisë duke përdorur territorin e Kosovës”, ka thënë Kelmendi.

Taksat doganore për qytetarët e Luginës së Preshevës kanë filluar të aplikohen nga fillimi i këtij viti pas marrëveshjes për lirinë e lëvizjes që është arritu në Bruksel në bisedimet Kosovë-Serbi, ndëresa diaspora që nga paslufta ka qenë e detyruar të paguaj sigurime të majme.