Shtrenjtimet shkaktojnë ndërrimin e arkave shëndetësore

Kjo shkallë e ndërrimit është shënuar gjatë kësaj vjeshte, për shkak të shtrenjtimeve mesatare 8.6%

Çdo i teti banor i Zvicrës ose 12.4%, ka ndërruar arkën e shëndetësisë. Kështu ka konstatuar Comparis, një shërbim krahasues i çmimeve që vepron përmes internetit. Sipas Comparis, kjo shkallë e ndërrimit është shënuar gjatë kësaj vjeshte, për shkak të shtrenjtimeve mesatare 8.6% të çmimeve të  arkave  shëndetësore të parapara për vitin 2011.

Ndërsa vitin e kaluar ka pasur një ndërrim edhe më të madh të arkave. Ai arrinte në 15.4% dhe kjo shpjegohej me rritjet më të mëdha të çmimeve, respektivisht 11.5% që kishin ndodhur në vitin 2009 në këtë fushë, krahasuar me një vit më parë.