Lajme

Rona shkon në finale

E mërkurë, 23 Maj 2012 - 1:02 albinfo.ch

Përfaqësuesja e Shqipërisë në Eurovision, Rona Nishliu u kualifikua në finalen e këtij festivali që po zhvillohet në Baku të Azerbajxhanit.

Ajo, e cila ishte e pesta në renditje, gjatë performancës së saj në natën e parë gjysmëfinale, mbizotëroi skenën dhe transmetoi ndjenja te publiku me një interpretim mjaft emocional, ndërsa mori ovacione për vokalin e jashtëzakonshëm.

Kënga “Suus” është një vepër e Florent Boshnjakut, ndërsa tekstin e ka shkruar vetë këngëtarja nga Kosova.

Triumfi në Festivalin e Këngës në RTSH i ka mundësuar asaj rrugëtimin drejt Bakusë, ku në garën e madhe të këngës evropiane përfaqëson Shqipërinë.

 Të tjera nga Lajme

Kuvendi i Shqipërisë me deklaratë të përbashkët për ish-krerët e UÇK-së: “Një aktgjykim nuk mund të rishkruajë historinë”

 E-Diaspora

 Jeta në Austri