Garat mesjetare në Brazil

Të mbrojtur nga parzmore të rënda, këta kalorës brazilianë janë duke u përgatitur për garën ndërkombëtare që do të mbahet në Itali gjatë këtij viti

Epoka e kalorësve u ringjall në shtetin Sao Paulo, gjatë një gare me shpata, me ç’rast u rikrijuan betejat e njohura të epokës mesjetare. Gara që mbahej në qytetin Campinas është pjesë e Ligës tropikale, ngjarje lokale që organizohet nga Asociacioni Ndërkombëtar i betejave mesjetare historike, i cili kërkon që sportin e shpatave ta kthejë në ditët moderne.

“Kjo garë është shumë e vështirë, të bëhesh kalorës, po ashtu. Kjo është traditë që u kalua nga babai tek i biri. E sot ja ku jam, i vendosur për t’u ndeshur”, tha Rodrigo Estevez, njëri nga pjesëmarrësit.

Të mbrojtur nga parzmore të rënda, këta kalorës brazilianë janë duke u përgatitur për garën ndërkombëtare që do të mbahet në Itali gjatë këtij viti.

“Është vërtet argëtuese të jesh pjesë e kësaj. Unë fillova duke bërë një kështjellë nga lego dhe tani gjithçka është e vërtetë me helmetë dhe me ring. S’ka asgjë si kjo”, tha një tjetër pjesëmarrës, Franco Soares.

Në këtë garë në Brazil kanë marrë pjesë edhe garues nga Gjermania, Kanadaja dhe Australia.