Do të reduktohet EULEX-i

Bashkimi Evropian, ka bërë të ditur se do të reduktojë për një të tretën misionin policor dhe të drejtësisë, duke theksuar përmirësimet në fushën e sigurisë.

Komandanti për Operacione Civile të BE-së, Hansjoerg Haber, ka theksuar se rezultatet nga Rishikimi Strategjik për EULEX-in, do të çojnë drejt një misioni ‘më të fuqishëm, më të sigurtë dhe më efikas’.

Ai i ka bërë këto komente gjatë një vizite në Kosovë, me ç’rast i është drejtuar stafit të EULEX-it dhe po ashtu ka informuar autoritetet e Kosovës për detajet e Rishikimit, i cili pritet të përfundojë së shpejti, thuhet në një komunikatë për media të EULEX-it.

Në EULEX, thuhet se do të fillojnë të implementohen pas datës 14 qershor 2012, kur pritet të hyjë në fuqi mandati i ri.

Misioni i EULEX-it është vendosur në Kosovë në vitin 2008 dhe ndihmon në monitorimin dhe mbikqyrjen e policisë dhe drejtësisë.