Kosova nuk mund të marrë pjesë në konferencat rajonale

Ndonëse nuk janë dhënë shumë detaje, zyrtarisht është thënë se vendimi është marrë në koordinim me partnerët strategjik të shtetit

Kosova nuk mund të marrë pjesë edhe në konferencat rajonale që kanë të bëjnë me luftën e vendeve të rajonit kundër krimit dhe trafikimit.

Kështu ka ndodhur edhe kësaj radhe në Tiranë, në Konferencën rajonale kundër trafikimit në Ballkan, e organizuar nga qendra e INTERPOL-it dhe e sponsorizuar nga Departamenti Amerikan i Shtetit, Zyra për Narkotikët dhe Agjencitë Ligj-zbatuese Ndërkombëtare.

Mungesa e Kosovës në këtë konferencë, me gjithë problemet e mëdha të trafikimit të njerëzve, ndodh për faktin se ajo nuk është anëtare e INTERPOL-it. Qeveria e Kosovës ka vendosur të mos aplikojë sivjet për anëtarësim në INTERPOL.

Ndonëse nuk janë dhënë shumë detaje, zyrtarisht është thënë se vendimi është marrë në koordinim me partnerët strategjik të shtetit.