Politika e deritashme e azilit e paqëndrueshme

Propozimet për ndryshime, të bëra nga ish-ministrja e drejtësisë Widmer-Schlumpf, konsiderohen të paqëndrueshme

Komisioni për politikë shtetërore i Dhomës së Kantoneve të Parlamentit të Zvicrës ka hedhur poshtë njëzëri propozimligjin për azilin, thuhet në një raport të platformës informative Newsnetz.

Propozimet për ndryshime, të bëra nga ish-ministrja e drejtësisë Widmer-Schlumpf, janë konsideruar të paqëndrueshme, ka thënë deputeti i FDP-së në këtë dhomë Rolf Büttiker.

Me vendimin e tij të djeshëm, komisioni i përmendur i dhomës së kantoneve do t`i japë mundësinë edhe ministres së re, të porsazgjedhur të drejtësisë, Simonetta Sommaruga që të deklarohet lidhur me revidimin e pjesshëm të Ligjit mbi Azilin.