Fshatrat në Shqipëri që pritet të shndërrohen në mrekulli turistike

Rritja e turizmit ka rritur në Shqipëri ka rritur edhe investimet në zonat turistike. Disa fshatra pritet që të shndërrohen në mrekulli, pasi të përfundojnë punimet

Turizmi në Shqipëri po rritet nga viti në vit. Me rritjen e numrit të turistëve të huaj, duhet që edhe kushtet të përmirësohen.

Për këtë është i vetëdijshëm edhe kryeministri Edi Rama, i cili ka thënë se në vitin e ardhshëm do të ketë tjera ‘rregulla’ dhe dënime. Ai beson që turizmi do të rritet edhe më shumë.

Në Shqipëri janë disa fshatra turistikë të një niveli të lartë, që po ndërtohen në bregdet. Dy prej tyre kanë marrë statusin e investitorit strategjik. “Green Coast” në Palasë dhe “New Born” në gjirin e Lalzit kapin një vlerë investimi prej gati 80 milionë eurosh, raporton “TCH”.

Ndërkohë, një tjetër resort turistik, “Palasa Bay Resort” është projektuar në gjirin e Dhërmiut, kurse në Jalë do të ndërtohet një kompleks vilash dhe hotelerie. Për të vazhduar po në jug, në Ksamil, ku është projektuar një tjetër fshat i këtij tipi, përcjell albinfo.ch.

Në gjirin e Lalzit po zhvillohet një ndërtim me një sipërfaqe prej 350 mijë metrash katrorë dhe investimi shkon në gati 90 milionë euro. Në fazë procedurash për leje është investimi në Divjakë i Behxhet Pacollit, një investim gjigant me vila, hoteleri dhe port jahtesh.