Lajme

U mbajtën zgjedhjet e jashtëzakonshme në Komunën e Rahovecit

E hënë, 22 Nëntor 2010 - 7:10 albinfo.ch

Sot, në komunën e Rahovecit janë mbajtur zgjedhjet e jashtëzakonshme për këtë komunë. Këto zgjedhje janë shpallur pas shkarkimit të kryetarit të komunës së Rahovecit me vendim të Gjykatës Kushtetuese. Sipas kryetares së Komisionit Qendror të Zgjedhje, Valdete Daka, nga rreth 50 mijë qytetarë me të drejt vote kanë votuar 19 966 qytetarë, apo 40.5%.

Në zgjedhjet e mbajtura në vitin 2009, pjesëmarrja ka qenë 45.6%. Kjo do të thotë se 5 % më pak qytetarë kanë votuar të dielën në Rahovec në krahasim me zgjedhjet e kaluara lokale të vitit 2009. Ajo ka thënë se procesi përgjithësisht është zhvilluar mirë dhe pa ndonjë incident që vlen të theksohet.