Ministri Rexhepi largon tre komandantë policorë të veriut

Bratisllav Kragoviq, komandant i stacionit policor në Leposaviq, Radomir Radosavleviq, komandant i stacionit policor në Zveçan, si dhe Zoran Milkoviq, komandant i stacionit policor në Zubin Potok, janë larguar nga policia e Kosovës.

Kjo është bërë me urdhër të ministrit të Punëve të Brendshme, Bajram Rexhepi. 

Shkarkimi erdhi pas refuzimit nga ana e tyre për t’u takuar të enjten në Prishtinë me ftesë të ministrit Rexhepi, ky i fundit ka vendosur që përfundimisht treshja të mos jetë pjesë e Policisë së Kosovës, ndërkohë që Drazho Bozhoviq, Dragan Stefanoviq dhe Zvezdan Spasojeviq janë takuar me ministrin Rexhepi dhe ata do të vazhdojnë të punojnë.