Shumë shqiptarë në kampionatin italian

Futbollistët shqiptarë edhe një herë kanë qenë vendimtarë për skuadrat e tyre në xhiron e nëntë të kampionatit italian

Portieri i Kombëtares shqiptare, Etrit Berisha ka qenë njëri ndër më të merituarit në fitoren e Atalantas ndaj Interit, shkruan albinfo.ch.

Ai ka marrë notë të lartë për këtë ndeshje, derisa ka bërë disa pritje në fitoren 2:1 ndaj skuadrës së njohur italiane. Tashmë Berisha është i pazëvendësueshëm në portën e Atalantas.

Elseid Hysaj është rikthyer titullar te Napoli dhe ka bërë një paraqitje shumë të mirë në fushë. Hysaj u vlerësua me notë pozitive në fitoren ndaj Crotones 2:1.

Në Serie A, luajnë edhe shumë shqiptarë. Mesfushori Ledian Memushaj nuk kishte paraqitje shumë të mirë për Pescaran ndaj Udineses. Memushaj nuk kaloi testoi.

Sfida Empoli-Chievo solli edhe duelin ndërmjet shqiptarëve. Frederik Veseli u inkuadrua në minutën e 45-të për skuadrën vendase, derisa Përparim Hetemaj luajti si gjithmonë titullar. Ndeshja përfundoi pa gola.

90 minuta për Bolognan ishte Blerim Xhemaili në barazimin 1:1 ndaj Sassuolos.