Iniciativë që synon të dëbojë “raserët” nga rrugët

Iniciativa, e cila ka grumbulluar 106 mijë nënshkrime, parasheh dënime më të ashpra për ngasjen tepër të shpejtë të veturave

Pasi janë grumbulluar 106.000 nënshkrime, pra është plotësuar kushti është dorëzuar sot për procedim Iniciativa “Mbrojtje nga `raserët`(ngasësit e shpejtë të makinave)”.

Këtë iniciativë për votim popullor në nivel federal e ka marrë fondacioni i viktimave të ngasësve të shpejtë të makinave “Roadcross”, i cili ka arritur t`i mbledhë nënshkrimet e nevojshme katër muaj para përfundimit të afatit.

Iniciativa parasheh dënime më të ashpra për ngasjen tepër të shpejtë të veturave. Kështu, sipas përkufizimit të saj, si “raserizëm” duhet të llogaritet ngasja më shumë se 100 km në orë brenda vendbanimeve, më shumë se 140 në rrugët regjionale dhe më shumë se 200 km në orë në autostrada.

Sipas propozimit të iniciativës, që në rastin e parë të kapjes, shoferëve të pandërgjegjshëm duhet tu merret leja e drejtimit të automjetit për së paku 2 vjet. Ndërsa atyre që e kanë përsëritur këtë veprim duhet tu merret leja përgjithmonë dhe të dënohen me burg.