140 afaristë kundër SVP-së!

Sipas afaristëve në fjalë, politika e tillë e SVP-së rrezikon mirëqenien ekonomike të Zvicrës

140 njerëz afaristë, kryesisht të afërm me partinë Liberale (FDP), në një letër të hapur, drejtuar SVP-së kritikojnë qasjen negative të kësaj të fundit në raport me marrëveshjen që Zvicra ka me BE-në mbi qarkullimin e lirë të njerëzve dhe mallrave.

Sipas afaristëve në fjalë, politika e tillë e SVP-së rrezikon mirëqenien ekonomike të Zvicrës.

Sipas gazetës “NZZ am Sonntag”, kritikat e afaristëve kanë të bëjnë me iniciativën që SVP e ka lancuar ditë më parë mbi kufizimin  numrit të të huajve në Zvicër.

“Pranimi eventual i kësaj iniciative nga votuesit, do të rrezikonte qindra mijë vende të punës, thuhet në letër, ku theksohet se SVP në këtë mënyrë po bën veprim të papërgjegjshëm.

140 nënshkrimet janë tubuar brenda dy ditëve. Në mesin e nënshkruesve janë edhe Andreas Schmid,  kryetar i Këshillit administrativ të Aeroportit të Cyrihut, bankieri privat Raymodn J. Bär etj.

Ky i fundit e kritikon SVP-në duke thënë se “mua si qytetar më trondit se në çfarë mënyre populiste përpiqet SVP për “gjuetinë” në vota.