Alarm bombash në Aeroportin e Cyrihut

Sot pasdite në Aeroportin e Cyrihut ka pasur një alarm për rrezik të mjeteve shpërthyese. Janë gjetur dy valixhe me përmbajtje të dyshimtë, të cilat kanë alarmuar përgjegjësit për siguri. 

Kjo ka bërë që policia, për shkaqe sigurie, të bllokonte disa pjesë të aeroportit, njofton radio Energy, duke iu referuar një zëdhënësi të poilicisë kantonale.

Bllokimi ka zgjatur rreth një orë e gjysmë.

Policia, me ndihmën e robotit ka transportuar valixhet e dyshimta në vendin e kontrollit. Mirëpo, përfaqësuesit e policisë nuk kanë dashur të japin të dhëna më të hollësishme rreth kësaj.