Aeroplani me energji diellore mbërrin në Bruksel

Për 13 orë ka kaluar distancën nga Payerne deri në Bruksel, duke fluturuar mbi Francë dhe Luksemburg.

Pionieri i fluturakes solare, zvicerani Bertrand Piccarrd ka përfunduar me sukses fluturimin e tij të parë ndërkombëtar. Me aeroplanin e tij që vihet në lëvizje nga energjia diellore ka fluturuar piloti Andre Borshberg.

Për 13 orë ai ka kaluar distancën nga Payerne i kantonit Vaud deri në kryeqytetin e Belgjikës, në Bruksel, duke fluturuar mbi Francë dhe Luksemburg.

Qindra kureshtarë kanë pritur aterrimin e aeroplanit në Aeroportin e Brukselit.

Duke shprehur kënaqësinë për suksesin e arritur, Piccard pas aterrimit ka thënë: ky fluturim do të duhej të trimëronte politikanët vendimmarrës që të udhëheqin një politikë më ambicioze energjetike.

Fluturakja e diellit, energjinë e saj e merr nga 12`000 celula solare. Ai ka peshë prej një toni e 60 kg dhe gjkeresi krahësh prej 63 metrash.