Solidarizim me Maltën në strehimin e refugjatëve

Përmes “pranimit të një grupi të vogël të refugjatëve”, 10 - 20 sish, Zvicra dëshiron të tregojë solidaritet me Maltën

Zvicra po shqyrton mundësinë e strehimit të 10 deri 20 refugjatëve  nga Afrika e vVriut, me status të njohur refugjati. Këta persona i takojnë një grupi prej rreth 1000 refugjatëve në nevojë, të cilët për shkak të zhvillimeve luftarake  në Afrikën e veriut kanë ikur në Maltë.

Përmes “pranimit të një grupi të vogël të refugjatëve”, siç është shprehur ministrja e drejtësisë Simonetta Sommaruga, Zvicra dëshiron  të tregojë solidaritet me Maltën, shtet ky i goditur më shumë nga kriza e refugjatëve.

Krahas kësaj. UNHCR ka vendosur që rreth 8000 refugjatët që janë vendosur në kufirin Libi-Tunizi do t`i shpërndajë  nëpër shtetet perëndimore. Mirëpo, ministrja Sommartuga  ka refuzuar pjesëmarrjen e Zvicrës në këtë shpërndarje.