Krasniqi: Nuk kontestoj zgjedhjen e Jahjagës

"Nuk e kam ndërmend të marr çfarëdo hapi drejt Gjykatës Kushtetuese me qëllim të kontestimit të zgjedhjes së Atifete Jahjagës"

Kryetari i Kuvendit të Kosovës, Jakup Krasniqi, ka mohuar pohimet e mediave se ai konteston zgjedhjen e Atifete Jahjagës në postin e presidentes. Këshilltari i tij për media, Ismet Hajrullahu, i ka thënë KTV-së se të gjitha pohimet lidhur me këtë nismë janë të pasakta.

“Nuk e kam ndërmend të marr çfarëdo hapi drejt Gjykatës Kushtetuese me qëllim të kontestimit të zgjedhjes së Atifete Jahjagës në detyrën e presidentes së Kosovës.

Kryetari i Kuvendit, në asnjë rrethanë nuk ka biseduar me askënd që këtë çështje ta çojë në Gjykatën Kushtetuese”, ka deklaruar Hajrullahu, duke mohuar kategorikisht shkrimin, siç thotë ai, tendencioz të gazetës serbe “Pravda”.