Përgjegjësia Sociale – (Sport Sans Frontières) Sporti pa kufij

Sport Sans Frontières ka implementuar projekte në Kosovë që nga viti 2002.

Qëllimi kryesor i aksionit tonë është zhvillimi i sportit si mjet për edukimin, integrimin dhe për fuqizimin e të rinjve të margjinalizuar. Andaj, sporti Pa Kufi ka zhvilluar dhe trajnuar një rrjet multietnik të udhëheqësve të aktiviteteve në tërë Kosovën (në 12 lokacione të ndryshme si p.sh. Peja, Mitrovica, Graqanica, Plementini, Shtërpca …).

Këta udhëheqës të aktivitetit pastaj kanë implementuar aktivitete sportive të natyrës jo-garuese të lojërave të hapura për të gjithë fëmijët. Në vitin 2010, janë organizuar 190 aktivitete dhe ngjarje sportive, dhe 6360 fëmije të komunitetit shqiptar, serb, boshnjak e ashkali kanë përfituar nga këto organizime.

Partneritetet tona më Ministrinë e Rinisë dhe me më shumë se 10 OJQ vendore janë dëshmi e rëndësisë së aktiviteteve tona, dhe kontributit tonë në ndërtimin e një të ardhme më të ndritur për Rininë e Kosovës.

Nëse jeni të interesuar t’i ndihmoni projekteve tona (për shembull përmes sponzorizimit në një ngjarje apo me donacione materiale), dhe në këtë mënyrë të tregoni përgjegjësinë shoqërore të kompanisë tuaj, ne do te ishim të lumtur të bisedojmë me ju lidhur me këtë: [email protected] apo 044.927.053.