Zvicra pret valë refugjatësh nga Afrika e Veriut

Në Itali, përkatësisht në ishullin Lampedusa, tashmë kanë ardhur numër i madh refugjatësh nga Tunizia.

Autoritetet zvicerane po marrin masat për një valë të pritshme refugjatësh nga Afrika e Veriut. Në mesin e  masave përgatitore, siç ka deklaruar ministrja e drejtësisë Simonetta Sommaruga, janë kontaktet me autoritetet përgjegjëse të Italisë po edhe të vendeve tjera.

Në Itali, përkatësisht në ishullin Lampedusa, tashmë kanë ardhur numër i madh refugjatësh nga Tunizia.

Siç është shprehur më tej znj. Sommaruga, autoritetet zvicerane janë duke shikuar mundësitë për të siguruar kapacitete strehimi të refugjatëve. Kjo, pavarësisht faktit se deri më tash Zvicra nuk ka është bërë ende cak i refugjatëve nga Tunizia.

Ndërkohë, Qeveria e Përkohshme e Tunizisë ka ndërmarrë masat për parandalimin e valëve të refugjatëve drejtë Italisë. Ajo ka bllokuar shumë vendkalime në bregdetin e vendit.