Shtim më i vogël i numrit të të huajve

Në Zvicër jetojnë mbi 1 milion e 700 mijë të huaj. 1.1 milion syresh nga vendet e BE-së dhe EFTA-s si dhe 600 mijë nga vendet tjera

Në fund të 2010, në Zvicër jetonin gjithsej 1’720’393 persona me shtetësi të huaj.  Zyra Federal për Migracion, ka njoftuar se gjatë 2010 është shtuar për 3.3 për qind numri i banorëve që jetojnë në Zvicër nga vendet e EFTA-s dhe BE-së. Kjo është një rritje e vogël krahasuar me vitin e kaluar që ishte 3,9 për qind.

Gjithsej në Zvicër jetojnë 1.1 milion të huaj me shtetësi të vendeve të BE-së dhe EFTA-s.

Rritje më e madhe e banorëve është regjistruar nga vendet e reja anëtare të BE-së. Në Zvicër në fund të muajit dhjetor, 8690 persona janë regjistruar në total të ardhur nga Rumania dhe Bullgaria, ose për 17.5 për qind më shumë se vitin e kaluar.

Numri i personave jashtë BE-së gjatë 2010 ishte për 0.7 për qind më i madh se vitin e kaluar ose 600 mijë veta. Ky zhvillim është në përputhje me politikën e imigracionit të Këshillit Federal, thonë në Entin Federal për Migracion