Zvicër: vazhdon ndalesa për tejkalim nga e djathta

Po të hiqej ndalesa e tejkalimit nga e djathta, sipas qeverisë, gjendja në autostrada do të bëhej edhe më e rrezikshme se sa është

Qeveria e Zvicrës ka kundërshtuar një mocion të deputetit nacional nga SVP, Thomas Hurter, i cili kërkonte që në autostradat zvicerane të lejohet tejkalimi me makinë edhe nga ana e djathtë.

Po të hiqej ndalesa e tejkalimit nga e djathta, sipas përgjigjes që qeveria i ka dhënë mocionistit, gjendja në autostrada do të bëhej edhe më e rrezikshme se sa është.

Rrjedhimisht, kjo ndalesë bën që të zvogëlohet numri i aksidenteve, thuhet në qëndrimin e qeverisë.

Nga ana tjetër, Hurter, në mocionin e tij kishte argumentuar se, sikur të lejohej tejkalimi nga e djathta, komunikacioni do të rridhte më mirë dhe pa pengesa.

Sipas tij në SHBA, ku tejkalimi i tillë është i lejuar, nuk ndodhin më tepër aksidente nisur nga kjo bazë.