ETH-të kërkojnë kufizimin e numrit të studentëve për master

Në rast se pranohet kërkesa për kufizimin e numrit të studimeve master, të parët që do të pësonin do të ishin studentët e huaj

Këshilli i dy universitetve teknike të Zvicrës (ETH i Cyrihut dhe ai i Lozanës), i kërkojnë qeverisë që të iniciojë ndryshimin e ligjit për ETH-të. Me këtë ndryshim këshilli dëshiron të vendosen kufizime në numrin e studentëve që regjistrojnë shkallën e studimeve master në këto dy universitete.

Në rast se do të miratohej ndryshimi, ETH-të mund të refuzonin studentët të cilët kanë bërë shkallën bachelor në një univesitet tjetër dhe dëshirojnë të bëjnë masterin në njërin nga këto universitete. Të parët që do të pësonin nga një rregullim i tillë i ri, do të ishin studentët e huaj, thuhet në drs.ch.

Në arsyetimin e kërkesë së këshillit thuhet se ETH do të shfrytëzonte mundësinë e një kufizimi të tillë në rastet kur nuk mund t`i bëjë vend fluksit të studentëve që ia mësyjnë njërit nga këto dy universitete, më prestuigjiozet në Zvicër dhe më gjerë.