Pas rrahjes: kosovari në burg – italiani në spital

Në autostradën Zürich –Winterthur, dy ngasës automjetesh, njëri kosovar e tjetri italian, kanë tejkaluar njëri tjetrin, dhe janë provokuar mes vete duke ngarë makinat në afërsi të kempthalit. Pastaj ata janë ndalur dhe kanë vazhduar zënkën afër një pompe të benzinës.

Italiani ka goditur kosovarin me grusht në fytyrë ndërsa ky i fundit ka nxjerrë një objekt të mprehtë metalik me të cilin i ka shkaktuar lëndime kundërshtarit të tij.

Më vonë, kosovari është paraqitur vetë në polici për të treguar se ka qenë i përfshirë në një zënkë. Me këtë rast ai është mbajtur në arrest. Ndërkohë italiani është paraqitur në spital për shërim dhe ndodhet jashtë rrezikut për jetë. (sda)