Kapet nga policia i arratisuri “akrobat”

Është kapur të mërkurën, më 6 tetor shtetasi shqiptar që përmes një ikjeje spektakulare kishte shpërthyer burgun e Horgenit (ZH) më 5 shtator. “I burgosuri akrobat”, siç është quajtur nga mediet shqiptari 25 vjeçar kishte ikur duke u ngjitur përmes litarëve që kishte përgatitur vetë, në murin e lartë të shëtitores.

Ai ishte dënuar për tregti me narkotikë në verën e vitit 2007 dhe ishte dëbuar në atdhe ndërsa më vonë kishte qëndruar edhe disa herë tjera në Zvicër. Herën e fundit ai ishte kapur dhe ishte duke mbajtur dënimin për hyrje të paligjshme në këtë vend.

Para se të arratisej nga burgu, atij i kishin mbetur edhe tridhjetë ditë për të përfunduar vuajtjen e dënimit.  (col)