Bota
62.3 gradë, thyhet rekordi në Rio të Brazilit
Regjistrimi u krye në lagjen Guaratiba, në kohën kur vendi po përjeton një valë të re të nxehti përvëlues
Rio de Zhaneiro shënoi një rekord të ri nxehtësie me temperaturat që mbërritën në 62.3 gradë, niveli më i lartë i regjistruar ndonjëherë në metropolin brazilian që nga viti 2014, kur nisën matjet nga Alerta Rio.
Regjistrimi u krye në lagjen Guaratiba, në kohën kur vendi po përjeton një valë të re të nxehti përvëlues teksa meteorologët parashikojnë që kjo situatë të vazhdojë paktën deri të mërkurën, ditën kur fillon vjeshta në hemisferën jugore.
Sistemi Alerta Rio, një iniciativë e qytetit që monitoron kushtet e motit, llogarit indeksin e nxehtësisë duke marrë parasysh temperaturën dhe lagështinë e ajrit, e të dhënat e saj dëshmojnë se të dy këta faktorë mbërritën një ditë më parë nivele kritike.
Kombinimi i tyre, sipas ekspertëve, e ka intensifikuar akoma edhe më shumë ndjesinë e nxehtësisë në zonë. Në përgjigje të vapës mbytëse, banorët e qytetit kërkuan freskimin në plazhe dhe pishinat e tij, shkruan TCH, transmeton albinfo.ch.
Temperatura rekord-thyese erdhi në vazhdën e një trendi shqetësues për Rion, ku nëntorin e vitit të kaluar termometri shënoi 58.5 gradë, çka nxori edhe më shumë në pah cenueshmerinë e qytetit nga i nxehti ekstrem.
Dyzet gradë mbërritën temperaturat edhe në Marok, ku qyteti i tij, Marrakech, u zgjua pa ujë të pijshëm. Qendra historike dhe zona të tjera janë tharë për shkak të asaj që Radeema, agjencia e shpërndarjes së ujit dhe energjisë elektrike, e përkufizon përmes mediave sociale në një postim të saj si “kaos të shërbimeve”.
Pa asnjë paralajmërim dhe me një valë të skajshme të nxehti, çezmat ndaluan lëshimin e ujit gjatë natës, përgjatë më shumë se 3 mijë kilometrave të rrjetit të tubacioneve urbane.
E-Diaspora
-
Platforma“Made in Kosova” promovon potencialin ekonomik, kulturor e turistik Në ambientet e TechPark Prishtina, sot u përuruan këndi dhe platforma më e re “Made in...
-
Prime Travel, partneri juaj i udhëtimeve
-
A mendoni se vetëm 400 mijë shqiptarë janë në diasporë?
-
Presidentja Osmani: Regjistrohuni, mërgimtarë!
-
Shqiptarja Mira Murati prezanton modelin e përditësuar të ChatGPT
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë