Lajme
Hotelet më ekologjike në botë, ku ndodhen ato
Ekziston një numër i madh i hoteleve, të cilat kanë ambient miqësor me mjedisin. Këtu po e paraqesim listën e pesë qyteteve me numrin më të madh të hoteleve ekologjike në botë, sipas faqes së krahasimit të energjisë Uswitch.
Vankuver, Kanada
Gjetja e akomodimit të qëndrueshëm nuk është aspak e vështirë në Vankuver, ku 44 për qind e hoteleve janë miqësore me mjedisin.
Qyteti kanadez është votuar si më i gjelbëri në botë vitin e kaluar. Vankuveri është vlerësuar për përpjekjet e tij për të reduktuar gjurmën e karbonit dhe për rritjen e riciklimit të tij nga 40 për qind në mbi 60 për qind në vetëm një dekadë.
Model për riciklimin janë edhe hotelet e tij, ndër të cilët spikat Fairmont Waterfront me pesë yje.
Hoteli, i cili ka pamje nga porti i Vankuverit dhe është i njohur për përpjekjet e tij për të qenë i butë ndaj mjedisit, është shtëpia e 250,000 bletëve, ofron menu organike për darkuesit e tij dhe opsione pa përdorim.
Stokholm, Suedi
Qyteti i dytë me hotelet më ekologjike në botë është pikërisht në Evropë.
Stokholmi konsiderohet një nga qytetet më të gjelbra në Evropë dhe mbi 40 për qind e 216 hoteleve të tij janë miqësorë me mjedisin.
Ndër këto vlen të përmendet hoteli ‘Elite Eden Park’, një nga akomodimet e para që iu dha titulli “Lidership në Energji dhe Dizajn Mjedisor i certifikuar” në kryeqytetin e Suedisë.
Kohët e fundit hoteli ka futur pikat e karikimit për automjetet elektrike në parkingun e tij, në përpjekje për të inkurajuar mysafirët të adoptojnë mënyra më të gjelbra transporti.
Toronto, Kanada
25% e hoteleve në Toronto janë renditur si miqësore me mjedisin. ‘Hoteli 1’ i qytetit me zero mbeturina është veçanërisht interesant për ata që përpiqen të reduktojnë gjurmën e tyre të karbonit. Ushqimi i tyre gjithashtu merret tërësisht nga fermerët vendas brenda një rrezeje 100 km nga ndërtesa.
Nëse kjo nuk ju bëri mjaftueshëm përshtypje, hoteli është gjithashtu një shembull i arkitekturës së qëndrueshme: si pjesa e brendshme, ashtu edhe pjesa e jashtme e ndërtesës janë prej druri të ripërdorur nga hambarët e çmontuar.
Calgary, Kanada
Mbi 23 për qind e hoteleve në Calgary janë të qëndrueshme, me akomodime që punojnë shumë për të siguruar operacione efikase riciklimi, produkte lokale dhe praktika të kursimit të energjisë.
Për të minimizuar konsumin e energjisë, hoteli ‘Le Germain’ në qytet së fundmi ka kaluar në ngrohjen dhe ftohjen gjeotermale për të mbajtur dhomat e tij në temperaturën perfekte, duke u mbajtur larg karburantet fosile.
Edmonton, Kanada
Një tjetër qytet kanadez rrëmben vendin e katërt, me Edmonton që numëron mbi 22 për qind të hoteleve të tij si miqësore me mjedisin. Qyteti konsiderohet gjithashtu gjerësisht si qyteti më i qëndrueshëm i vendit në përgjithësi./Euronews
E-Diaspora
-
Muhamed Mustafi, ylli shqiptar në St. Gallen Te skuadra zvicerane St. Gallen po rritet një talent i ri shqiptar, i cili aktualisht është...
-
Shqipëria, pjesë e paradës së karnavaleve në Berlin
-
Gazmend Zajmi, një ndër kolosët e pavarësisë
-
“Më të kërkuarat janë fanellat e Zvicrës dhe ato të Shqipërisë”
-
Prokuroria kërkon 18 vjet burgim për autorin e vrasjes së Shqiponja Isufit
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?