Zvicra shton ndihmat për botën e jashtme

Sipas dhomës së kantoneve të Parlamentit të Zvicrës, ndihma për botën e jashtme në dy vitet e ardhshme do të rritet në 640 milionë franga. Deri në vitin 2015 planifikohej që ndihma për vendet e huaja të arrinte në 0.5 për qind të brudoproduktit vendor të Zvicrës.

Duke pasur parasysh gjendjen aktuale të financave, një pakicë në parlament ishte shprehur kundër përqindjes në fjalë. Në seancën e sotme me këtë temë është marrë edhe Dhoma Federale e parlamentit, e cila ka ndryshuar qëndrimin e saj të mëparshëm sipas të cilit duhej të zvogëlohej shuma e ndihmës për vendet e huaja.

Dhoma në fjalë tashmë ka pranuar që shuma e fondit të përmendur të rritet për 100 milionë franga të tjera.

Nga gjithsej 640 milionë franga, 570 milionë do të jepen për DEZA-n ndërsa 70 milionë për SECO-n.