Zvicra “rrëshqet” në vendin e pestë

Megjithë këtë,Zvicra, krahas Suedisë dhe Gjermanisë është ndër vendet e pakëta evropiane që bëjnë pjesë në dhjetëshen e parë

Në ranglistën e vendeve më konkurruese në botë në fushën e ekonomisë, Zvicra ka rënë nga vendi i katërt në të pestin. Këtë radhitje, siç shkruan nzz.online, e ka bërë instituti i Lozanës për menaxhim dhe zhvillim IMD. Sipas tij, para Zvicrës janë vendet si Hongkongu, SHBA, Singapuri dhe Suedia.

“Rrëshqitja” e Zvicrës për një vend më poshtë  shpjegohet me rritjen e ulët ekonomike. Por përkundër kësaj, Zvicra, krahas Suedisë dhe Gjermanisë (në vendin e dhjetë) është ndër vendet e pakëta evropiane që bëjnë pjesë në dhjetëshen e parë.

Ajo e ka tejkaluar më mirë se shumica e 56 shteteve tjera të krahasuara, krizën financiare të para dy viteve.

Si kritere për këtë radhitje janë marrë rezultatet ekonomike, efikasiteti i institucioneve të shtetit, produktiviteti i ndërmarrjeve si dhe infrastruktura.