Zvicra padit Libinë për mbajtjen peng të dy shtetasve të vetë

Ministria e Jashtme e Zvicrës ka vendosur të ngrejë padi penale kundër Libisë, “në shenjë hakmarrjeje”, siç shkruajnë mediet e këtushme, për mbajtjen peng për më shumë se një vjet, të shtetasve zviceranë Max Goldi dhe Rachid Hamdani. Këtë e ka kërkuar personalisht ministrja e jashtme, njëherësh presidente e shtetit, Micheline Calmy Rey.

Për të realizuar këtë qëllim, ministria e drejtuar nga ajo ka bërë një padi penale në Prokurorinë Federale kundër përgjegjësve për mbajtjen peng të dy zviceranëve.

Prokuroria federale ka vërtetuar se ka marrë në dorëzim kërkesën për padi, ndërsa është Qeveria Federale ajo që do të vendosë nëse padia do të ndiqet më tutje ose jo.