Zvicër: Dispozitë ligjore kundër udhëtimeve me motive terroriste

Qeveria e Zvicrës synon të ashpërsojë kursin kundër dukurisë së udhëtimeve nga Zvicra për t`iu bashkuar organizatave terroriste islamike në Lindjen e Afërme. Për të realizuar këtë qëllim, Këshilli Federal ka nënshkruar një protokoll për Konventën e Këshillit të Evropës për luftimin e terrorizmit.

Edhe para kësaj, në legjislacionin zviceran ekzistojnë vepra penale si aktivitetet terroriste dhe përgatitja e tyre, e që ndiqen nga ligji. Në Zvicër pra është e dënueshme anëtarësia, mbështetja dhe nxitja e promovimi i AL-Kaida-s ose IS-it dhe organizatave të ngjashme terroriste.

Por Këshilli Federal tash propozon futjen e një dispozite plotësuese në Ligjin Penal që drejtohet në mënyrë specifike kundër udhëtimeve me motiv terrorist, shkruan srf.ch.