Zviceranët posedojnë 5.4 milionë automjete

Janë regjistruar mbi 4 milionë vetura individuale, ose çdo i dyti banor i Zvicrës ka veturë

Gjatë njëzet viteve të fundit është rritur për 40 për qind numri i i automjeteve në pronësi të qytetarëve zviceranë. Kështu, gjatë vitit 2010 nëpër rrugët e Zvicrës kanë qarkulluar 5.4 milionë automjete, nga të cilat mbi 4 milionë vetura individuale.

Sipas shënimeve të përmendura, të ofruara nga Enti Federal për Statistikë, del që pak më shumë se çdo i dyti banor i Zvicrës (rreth 7 milionë e 800 mijë) posedon veturë personale, shkruan 20Minuten.ch.

Rritje të konsiderueshme sipas këtyre të dhënave ka pasur edhe në numrin e motoçikletave. Në pronësi të zviceranëve janë më shumë se 650 mijë motoçikleta, thonë shifrat e publikuara nga enti i statistikave.