Widmer-Schlumpf, ministrja e parë “antibërthamore”

Ministrja federale e financave, Eveline Widmer-Schlumpf, sipas gazetës “Der Sonntag” është shprehur për heqje dorë nga shfyrtëzimi i energjisë bërthamore. Këtë prononcim ajo e ka dhënë në një mbledhje krize që ka mbajtur partia e saj, BDP.

Kryetari i partisë në fjalë, Hans Grunder ka thënë për gazetën se në mbledhjen e përmendur të krizës, partia e tij është deklaruar për heqje dorë nga shfrytëzimi i energjisë atomike. Sipas tij, për BDP-në tashmë është e qartë se nuk duhet të ndërtohen më centrale bërthamore.

Grunder ka shtuar se këtë mendim e ka ndarë edhe ministrja që vjen nga kjo parti, Eveline Widmer-Schlumpf.

Me një qëndrim të tillë, Widmer-Schlumpf do të bëhj ministrja e parë që po shprehet për heqje dorë nga energjia nukleare.