Vreeswijk: Publiciteti në rastin Limaj na ka ndihmuar

Kryeprokurori në largim i EULEX-it, Johannes Van Vreeswijk, pranon se publiciteti që i është krijuar me rastin Limaj, i ka ndihmuar edhe pse ende nuk ka arritur të ngrit aktakuzë.

Ai për mediat kosovare ka theksuar se pas këtij rasti kanë, vizituar ministra e drejtorë të ndryshëm, duke i ofruar video e fotografi për të bëmat e të tjerëve.

Vreeswijk ka deklaruar se është bërë një keqkuptim, për këtë rast.

Ndonëse ka pasur disa herë deklarime publike për këtë rast tash, pak para largimit thotë se asnjëherë nuk ka qenë prokuror në rastin Limaj.

Sipas tij, janë dy prokurorë të tjerë që janë duke punuar në dy raste të ndara për Limajn: për korrupsion dhe krime lufte. “Është në duar të prokurorëve të rasteve që të vendosnin kur do të ngrenë aktakuzat” ka thënë Vreeswijk.