Kultura
Visar Morina me filmin “Babai” fitoi çmimin “MFG Star” në Gjermani
Ky çmim është një mbështetje për regjisorët e rinj. Regjisori Morina ishte i nominuar nga televizioni publik gjerman WDR, ndërkohë që për këtë çmim ishin në konkurrencë edhe katër regjisorë të tjerë nga mbarë Gjermania
Sukseset për filmin e metrazhit të gjatë “Babai” sa vijnë e shtohen. Regjisori i njohur nga Kosova, Visar Morina, javën e kaluar është shpërblyer me çmimin “MFG Star” në festivalin e filmit që u mbajt në Baden Baden të Gjermanisë, shkruajnë mediat gjermane, përcjell “albinfo.ch”.
Ky çmim është një mbështetje për regjisorët e rinj. Regjisori Morina ishte i nominuar nga televizioni publik gjerman WDR, ndërkohë që për këtë çmim ishin në konkurrencë edhe katër regjisorë të tjerë nga mbarë Gjermania.
Më këtë çmim regjisori Morina ka fituar një bursë për qëndrim në Los Angeles në Amerikë.
Filmi “Babai” tregon rrëfimin e një fëmije të quajtur Nori (Val Maloku), i cili shet cigare bashkë me babain e tij, Gëzimin (Astrit Kabashi), në vitet e nëntëdhjeta, ku babai me çdo mënyrë dëshiron të emigrojë në Gjermani, e i biri bën çdo gjë për të qenë me të.
Marrëdhënia mes babait dhe të birit zhvillohet deri në pikën ku asgjë mes tyre nuk është më ashtu si ka qenë, për arsye se i biri ka shumë dëshirë të jetë së bashku me babain dhe në të njëjtën kohë duhen të përballen me realitetin e vështirë…
Filmi “Babai” që nga shfaqja e parë e tij ka bërë një rrugë të suksesshme nëpër festivale të ndryshme dhe është vlerësuar lart nga njohësit e filmit.
Regjinë dhe skenarin e ka bërë Visar Morina, producente e filmit është Nicole Gerhards, kompania që ka bërë produksionin është NiKo Film.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?