Një grup i të rinjve gjakovarë krijojnë veturën elektrike

Ky zbulim është realizuar nga një grup i të rinjve kreativë në qendrën BONEVET

Në Gjakovë, sot është prezantuar zbulimi i makinës elektrike, e para e këtij lloji në Kosovë. Makina ishte pjesë e sloganit “Nëse mund ta imagjinoni një gjë, atëherë ju mund ta bëni atë” tashmë, siç e përshkruajnë edhe mediat, është  bërë realitet. Ky zbulim është realizuar nga një grup i të rinjve kreativë në qendrën BONEVET.

Makina elektrike u prezantua në ambientet e Parkut  “Ali Podrimja “në Gjakovë.

Të rinjtë që e kanë shndërruar veturën, nga atë me djegie në veturë elektrike, janë shprehur të lumtur pas përfundimit të këtij projekti.

Edhe pse  grupi kreativ kohë pas kohe është udhëzuar  nga mentorët më me përvojë në këtë qendër, e gjithë puna për realizimin e këtij projekti ambicioz  është rezultat përkushtimit dhe angazhimit  maksimal  të tyre. Nisma për realizmin e këtij projekti nga të rinjtë entuziast nga Gjakova e mbështetur nga Kompania IPKO.

Ndryshe, më 21 nëntor të vitit të kaluar përfaqësuesit e Kompanisë IPKO nënshkruan një marrëveshje me Kompaninë “BONEVET” për konvertimin e makinës Renault Twingo, nga derivati i naftës në lëvizje me elektrikë. “BONEVET” është një qendër e cila e stimulon kreativitetin e të rinjve. Në këtë qendër fëmijët e zbulojnë talentin e tyre, që më pas atyre ua çelë rrugën për karrierën profesionale.

Këta janë ekipi që qëndrojnë prapa realizimit të Makinës së parë Elektrike në Kosovë!