Ulje emergjente e aeroplanit Ankonë -Tirana, kishte tym e flakë në kabinë

Një avion, i cili do të nisej nga Ankona për në Tiranë, është detyruar që të bëjë ulje emergjente pasi flaka ka përfshirë kabinën

Një aeroplan i nisur nga Ankona në drejtim të Tiranës është detyruar të ateroj dhunshëm në vendin e nisjes, pasi flaka dhe tymi kishte përfshirë kabinën e pasagjerëve. Dëshmitarët që kanë qenë në bord, kanë treguar për panikun e madh që i kishte kapluar pasagjerët gjatë atyre 15 minutave të fluturimit.   Mësohet së në bord kishte 68 pasagjerë.

Sipas medieve italiane, çdo gjë është zgjidhur në vetëm pak minuta. Mësohet se tymi kishte dalë si rezultat i një shkëndije në një qark të shkurtër elektrik.

Ndërsa njëri prej pasagjerëve të papranishëm në bordin e aeroplanit ka rrëfyer ngjarjen për Opinion.al, ngjarjen brenda aeroplanit.

“Vetëm 15 minuta pasi jemi nisur nga aeroporti i Ankonës konstatuam erë të djegur në bordin e avionit. Biletat i kishim prerë nga “Blu Panorama”, por avioni ishte i kompanisë “Ernest Fly”, pasi Blu Panorama operon me këtë kompani. Ekuipazhi na informoi se kemi probleme, dhe se flaka kishte rënë në kabinë, ndaj duhet të kthehemi. Në aeroport na kanë pritur zjarrfikëset”, tha ai.

Mes pasagjerëve, siç e përshkruan ky dëshmitar, kishte tension të madh. “Disa filluan të qanin”, dëshmon ai.